Antiqui Romani multos deos colebant. Dominus caeli et terrae erat Juppiter. Poetae Graeci Jovem patrem deorum hominumque vocabant. Et dei et homines Jovem timebant. Juppiter in Olympo habitabat et cum fratribus mundum gubernabat. In tutela Jovis praecipue reges erant. Juppiter auctor erat legum humanarum. Fratres Jovis erant Neptunus et Pluto, sorores Juno, Ceres, Vesta. Bestiae nonnullae deis sасrае erant, ut aquila Jovi, pavo Junoni, equus Neptuno. Ex arboribus oliva Minervae sacra erat, Apollini laurus, Plutoni cupressus.