Scriptores antiqui quattuor aetates nominant: aetatem auream, argenteam, aeneam et ferream. De aetate aurea multa in Ovidii poetae carminibus, quae Metamorphoseon libri inscribuntur, legimus. In aetate aurea homines sine legibus tuti erant, nam justitiam et veritatem colebant. Nес leges nec vectigalia timebant. Oppida nec fossis nec vallis aut muris cingebantur. Bella hominibus ignota erant, oppida neque oppugnabantur nec diruebantur. Navigia in maris undis non videbantur, ager non arabatur, nam terra ipsa per se frumentum dabat.