Apollo a Graecis et Romanis Dianae frater putatur. Apollinis et Dianae pater est Juppiter, mater Latona. Apollini Sol sacer est, Dianae Luna. Arma Apollinis et Dianae sagittae sunt. Poetae antiqui Apollinem Musarum ducem, poetarum patrem, carminum auctorem, medicinae inventorem nominant. Multa templa et oracula Apollini sacra sunt. Oraculum Delphicum praecipue clarum est.